Productions: Island Beat
Panoscope . Media Briefings .
Island Beat . Our Own Voice . Le P'tit Nouvelliste
Order Publications
Li lòt
atik "Island Beat" nou yo
Se ki sa Island Beat ye?
Nouvèl sou kominote nan Caraïbe la kòmanse resevwa
yon vwa..``Island Beat`` se yon seri pwogram tou nèf ki fèt
pou radyo ak jounal ki trete sijè ki gen arevwa ak anviwònman,
sante, egalite nan kesyon dwa fanm ak gason ak jistis sosyal. Jan
de sijè sa yo, sèvi ak enfòmasyon ki baze sou
anviwònman nan kominote a pandan yo mete an premye esperyans
kominote a fè deja nan chache solisyon pou pwoblèm
sa yo. Se yon seri jounalis nan Caraïbe la ki reyalize travay
sa yo, yo gen nan tèt yo pou fè plis epi repòtaj
ki gen pi bon sou sijè sa yo. Jis kote n ap pale la a, emisyon
radyo Island Beat yo fèt nan lang anglè sèlman,
tandiske yo enprime yo nan lang kreyòl, anglè, fransè
oubyen espanyòl.
Island Beat te kòmanse nan ane 1997 ak yon seri pwogram
pou radyo yo fè chak semèn nan lang angle epi yon
ekip enstitisyon difize yo, tankou : Panos Port-au-Prince ak Washington,
CERN (Réseau Caraïbéen de Reporters Environnemntaux)
ki gen baz li nanBarbade, CANARI (Institut des Ressources Naturelles
de la Caraïbe) ki gen baz pa l tou nan Barbade.
Pwogram sa a rele : ``Island Beat`` se yon seri nouvèl enpòtan
sou anviwònman nan Caraïbe la. Jis jounen jodi a, sou
prensipal sijè yo travay se : Jesyon fatra, debwazman ak
rebwazman, travay medam yo, VIH/SIDA, pwòpte, migrasyon,
jaden byolojik, endistri pèch dirab, edikasyon sou anviwònman
ak sensibilizasyon, kreye pak natirèl ak zòn pwoteje
ak timoun yo.
Se manm CERN yo ki nan Barbade ki fè pwogram radyo, tandiske
pwogram sou papye yo se Institut Panos ki prepare yo nan Port-au-Prince.
Kòm korespondan yo gaye sou tout kwen zile ak peyi yo. Gen
teknoloji dijital ki fenk parèt ki kòmanse sèvi
pou voye repòtaj yo sou papye ak kasèt bay redaktè
yo.
Nouvèl teknoloji sa a byen parèt pou zòn Caraibe
la. Korespondan yo anrejistre repòtaj yo sou materyèl
ki resevwa son (kasèt) yo konvèti travay la epi yo
voye l Jamaïque sou fòm kourye elektwonik, kote yo fè
prepareasyon yo sou òdinatè nan mòd dijital.
Teknik sa yo pèmèt ou pa pèdi kalite son ou
lan ( sa ki ta rive si ou ta kopye kasèt ki gen son ou lan)
epi ou fè ekonomi tou sou kantite lajan ou ta dwe depanse
pou tenb ak tèks la.
|
